Akelay Jo Dukh Uthatey Ho

Back                Home                Next

Akelay Jo Dukh Uthatey Ho,
Yeh Tum Acha Nahi Kartay,
Humara Dil Jalatay Ho,
Yeh Tum Acha Nahi Kartay,

Kaha Bhi Tha Mohabat Hai,
Mohabbat Hi Issey Rakho,
Tamasha Jo Banatay Ho,
Yeh Tum Acha Nahi Kartay,

Uthatay Ho Falak Tak Tum,
Humain Saray Mehfil Main,
Uthaa Kar Jo Giratay Ho,
Yeh Tum Acha Nahi Kartay,

Jo Koi Pooch Lay Tumse ke,
Rishta Kya Hai Abhi Un Sey,
To Nazron Ko Jo Jhukatay Ho,
Yeh Tum Acha Nahi Kartay,

Bikhar Jayen Andheron Main,
Saharaa Tum To Detay Ho,
Magar Phir Chorr Jatay Ho,
Yeh Tum Acha Nahi Kartay.